عاوز تحكى مشكله او موقف مش عارف تتصرف فيه
ضيف تعليق على الموضوع ده واكتب اللى بتفكر فيه
وهاجاوبك وهانعرض المشكله اذا حبيت للمناقشه
ضيف تعليق على الموضوع ده واكتب اللى بتفكر فيه
وهاجاوبك وهانعرض المشكله اذا حبيت للمناقشه
بتحكي مشاكلك لمين
- دكتور هادي فوده
- Cairo, Egypt
- إستشارى للمشاكل الإجتماعية بما فيها العاطفيه والعلاقات مع الاخرين فى العائله والعمل والاصدقاء
هناك 12 تعليقًا:
انا عاوزه احكى مشكلتى اكتبها فين بالظبط
ممكن تحكيها هنا ومحدش يعرف انتى مين
وهرد عليكي اول ما اقرأ مشكلتك
السلام عليكم
انا مشكلتى الوحيده ان انا نفسى حد يقدر يفهمنى يفهم دماغى نفسى الاقى نفسى فى شغلانه احبها علشان ابدع فيها وبعدين انا ماقتنعش بحاجه غير الى عقلى يقبلها وبس ودى عاملالى مشكله كبيره جدا مع بعض الناس لى اعرفها علشان هما مابيفكروش كده هما دايما بيبوصوا تحت رجليهم وانا بالنسبه لهم غبى علشان انا مابقتنعش بالى هما بيكلموا فيه وبعدين انا لما باقعد مع نفسى واقعد افكر فى شغل او حاجه باطلع شويه افكار وحلول جامده جدا افكار بملايين وتعمل ملايين
بجد انا تعبت ومش عارف اعمل ايه ؟؟
ياريت يا دكتور لو عندك حل او طريق ليا ياريت تقولى عليها
وشكرا واسف على الاطاله
..to the king
فى البدايه اركن الناس على جنب مش صح ان يسعد بك الناس وانت فى هم وغم وحزن فالسعادة ليست اسعاد الاخرين على حساب راحتك وسعادتك والمنهج السوى الثابت هو الذى يجعل المبدع يضئ فى نفسه اولا ثم يضئ للناس وابدأ فكر من كذا زاوية فى افكارك وتفكيرك علشان تقدر تحدد اذا كان تفكيرك صح ولا لأ وبعد كده اذا لاقيت تفكيرك من كل الاتجاهات صح وواقعى نبدأ بثقتك فى نفسك بس مش الثقة القريبه من الغرور وعدم الاستماع للغير ولازم تحس بقيمة كلام اللى حواليك المثل بيقول خد الحكمه من افواه المجانين وكمان بيقولوا استخدم قوة خصمك فى هزمه يعنى ايه؟
يعنى أسمع كويس علشان أحكم كويس أسمع صح علشان أفكر صح
أما بالنسبة للشغل الشغل كتير لكن انت مين ، بتعرف تعمل ايه ، بتفيد اللى حواليك بايه ، وبتقدر على ايه انا شايف انك تفكر مش فى احسن حاجه فيك لكن فكر فى دمج قدراتك كلها مع بعض وندور على طريقه تستفيد بكل قدراتك فيها ساعتها هاتلاقى الشغل اللى بتفكر فيه او على الأقل هاتعرف ناقصك ايه وعلى فكره الهدف ده قريب بس محتاج مجهود علشان توصله
ياريت حضرتك توضح اكتر الجزء الاخير فى كلامك
وشكراااا
ياريت تقولى اعمل ايه لان انا مش عارف اعمل ايه ؟
to the king
ما مضى فات وذهب ومات فلا تفكر فيما مضى فقد انقضى ابدا فورا فيما تحب ان تعمل بافكارك زى ماقلت لى وحولها الى حقيقة وعيش فى حدود اليوم واجمع همك للاصلاح يومك
ثق بنفسك ولا تعتمد على الناس واعتبر انهم عليك وليس لك وليس معك إلا الله توكل على الله وابدا بعمل تحبة فانت تلون حياتك بنظرك اليها فحياتك من صنع افكارك فلا تضيع فى الوقت بوضع نظارة سواء على عينيك
انا والله يا دكتور نفسى اعمل كده بس مش عارف
to the king
انا مش عارف انت مخلص ايه وايه الافكار اللى عندك ولا اعرف امكانياتك انفرد بنفسك ساعة تدبر فيها امورك وتراجع فيها نفسك لا تتردد فى اتخاذ قراراتك ولا تتذبذب فى اى موقف ولكن ابدا واعزم وتقدم .
انا مخلص معهد فنى تجارى وبكمل تجاره دلوقتى جامعه مفتوحه وبافكر انشاء الله بعد اما اخلص الكليه اخد MBA
بالنسبه لموضوع الافكار هو مفيش حاجات محدده هو لو فى موضوع شغل او رايح اعمل مقابله باقعد افكر لما اشتغل ممكن نعمل كذا وكذا مثلا نرفع المبيعات ازاى ناخد السوق ازاى يعنى حاجات كده
كان عندى طلب لحضرتك ممكن نتكلم على شات بدل ماحن عمالين نبعت رسايل لبعض ها يبقى فيها تواص اكتر من كده
وشكرااااااااااااا
*صباح الخير يادكتور
انا كنت عاوزه احكي لك مش كله عند واحده صاحبتى
كانت بتحب واحد اكبر منها وكان متجوز وهو حبها قوى لدرجة انه طلق مراته بسببها ولما عمل كده هي خافت منه وبتقول انها مش هاتحس بالامان معاه
انا مش عارفه اتكلم معاها اقولها ايه
وهل هي اصلا كانت حاسه بالامان لما كان متجوز؟
من فضلك يادكتور قولى اقولها ايه او اعملها ايه
إرسال تعليق